• Marcas Mac an Tuairneir

Fearghas MacFhionnlaigh

Flùrannan


Imbali yimbali ngokuqhakata icimexile yimbali ngokushiwo

- dàn le Otty Mandhlayiso (Sulu)


(Chan e flùr flùr mur eil e fosgailte; dùinte, chan eil ann ach ainm flùir) - dàn le Otyy Mandhlayiso (Sùlu)

* sìol-mhèinnichean, a' mallspreadhadh dath-bhomaichean seirceil

* lì-fhuarain reòthte, a' leaghadh gach madainn

* muileanan-gaoithe deàrrsach a' sìor-shughadh neachtair

* òr-chuachan driogach a' sìor-shnigheadh meala

* coinfèataidh air ginideachadh 's air tighinn fo bhlàth

* guc-gàireachdainn na talmhainn ri fealla-dhà

* sròl-bhrataichean nan Nàisean Aonaichte air crainn uaine

* heli-puirt nam meanbh-fhrìde le ràdar ultra-violait

* factoraidhean foto-cho-chur a' beò-ghlacadh na gréine

* ciùineachagan radharcach

* solais trafaig na h-aigne

* obairlainn cùbhraidheachd

* crainn-sgaoilidh dhath-theilifis

* sprùileach air tuiteam o bheul a' bhogha-froise

* coinnlean is tàisearan is uinneagan de ghlainne dhathte

* cleasan-teine fàs-bheairteach

* port-a-beul bith-cheimiceach

* bilean boireanta a' sèimhphògadh ar sùilean



Air a thoirt bho An Aghaidh na Sìorraidheachd Polygon, 1991

3 views0 comments

Recent Posts

See All