Alba fo Dhìmeas
Chuala mi oileanach ag ràdh,
'Luchd nan eilean, chan iongantach
gur suarach an cultar -
dè 'n cothrom a th'aca air ealain?'
Is lean fear eile air,
'Mura biodh an t-Ath-Leasachadh,
bhitheadh Mozart is Verdi
againn fhìn ann an Alba...'
Tha mi ag ionnsachadh bhuapa
gu bheil obair an oideachais coilionta;
a-nist chan fhaic iad
an grinneas nan dualchas.
Air a thoirt bho An Aghaidh na Sìorraidheachd Polygon, 1991